കെ ആർ എൽ സി സി യുടെ നേതൃത്വത്തിലുള്ള കോസ്റ്റൽ ഏരിയ ഡവലപ്പ്മെൻ്റ് ഏജൻസി ഫോർ ലിബറേഷൻ (കടൽ) ഡയറക്ടർ ആയി അതിരൂപതയിലെ ഫാ. ഡോ. സാബാസ് ഇഗ്നേഷ്യസ് നിയമിതനായി. തീരദേശത്തിൻ്റെയും തീരദേശ ജനതയുടേയും സമഗ്ര വികസനം ലക്ഷ്യമാക്കിയുള്ള ഗവേഷണവും പഠനങ്ങളും പ്രശ്ന പരിഹാര നിർദ്ദേശങ്ങൾ രൂപപ്പെടുത്തുകയുമാണ് “കടൽ” ലക്ഷ്യമിടുന്നത്. തിരുവനന്തപുരം അതിരൂപതാംഗമായ ഫാ. സബാസ് തിരുവനന്തപുരം സോഷ്യൽ സർവ്വീസ് സൊസൈറ്റി ഡയറക്ടറായും പ്രവർത്തിക്കുന്നു.
ഏഴു വർഷക്കാലം ഡയറക്ടർ ആയി സേവന കാലം പൂർത്തിയാക്കിയ ഫാ. ഡോ. അൻ്റണിറ്റോ പോൾ സ്ഥാനമൊഴിഞ്ഞ സാഹചര്യത്തിലാണ് ഫാ. സാബാസ് നിയമിതനായത്.
