തിരുവനന്തപുരം അതിരൂപതയിലെ വലിയതുറ ഫെറോന കുടുംബ ശുശ്രൂഷ സമിതിയുടെ നേതൃത്വത്തിൽ ‘മന്ന’ എന്ന പേരിൽ വിശപ്പ് രഹിത ഫെറോന പദ്ധതിക്ക് തുടക്കം കുറിച്ചു. ജൂലൈ 1 ന് രാവിലെ 11:30ന് മോസ്റ്റ്.റവ.ഡോ. ക്രിസ്തുദാസ് പിതാവ് തിരിതെളിയിച്ചും, പൊതിച്ചോറ് നൽകിയും പദ്ധതി ഉൽഘാടനം ചെയ്തു.
പരിശുദ്ധാത്മത്തിന്റെ പ്രാർത്ഥന ഗാനത്തോടെ കാര്യപരിപാടികൾ ആരംഭിച്ചു ഫെറോന കോഡിനേറ്റർ ഡീജോ കപ്പൂച്ചിൻ സ്വാഗതം ആശംസിച്ചു, തുടർന്ന് തിരുവനന്തപുരം അതിരൂപത സഹായമെത്രാൻ ക്രിസ്തുദാസ് പദ്ധതി ഉൽഘാടനം ചെയ്തു സംസാരിച്ചു. ഫെറോന വികാരി ഫാ. ഹൈസിന്ത് എം നായകം, ഫെറോന ആനിമേറ്റർ ആൻ്റണി പത്രോസ്, എന്നിവരും പദ്ധതിയുടെ ആവിഷ്കാരത്തെയും നടത്തിപ്പിനെയുംപറ്റി സംസാരിച്ചു. ഫെറോന കൺവീനർ ബ്രിട്ടോ സൈമൺ പദ്ധതിയുടെ ഉൽഘാടനത്തിനു സംബന്ധിച്ച ഏവർക്കും നന്ദി അർപ്പിച്ചു.
മഹാമാരിയുടെ രൗദ്ര താണ്ഡവത്തിൽ ആരാരും ഇല്ലാതെ തെരുവോരങ്ങളിൽ കഴിയുന്ന അശണർക്ക് അത്താണിയായും നിരാലംബർക്ക് ആശ്വാസമായും ഫെറോന ഇടവകളായ വലിയ വേളി മുതൽ ചെറിയതുറ വരെയുള്ള പ്രദേശങ്ങളിലെ ആവശ്യക്കാരെ കണ്ടെത്തി ദിവസത്തിൽ ഒരു നേരമെങ്കിലും ആഹാരം എത്തിക്കുക എന്നതാണ് ഈ സംരംഭത്തിൻ്റെ ലക്ഷ്യം. ആദ്യഘട്ടത്തിൽ 100 പേർക്ക് ഭക്ഷണം എത്തിച്ചു നൽകാനാണ് തിരുമാനിച്ചിരിക്കുന്നത്. ഈ പദ്ധതിയുടെ സുഗമമായ നടത്തിപ്പിന് സുമനസുകളുടെ ചെറുതും വലുതുമായ സഹായസഹരണങ്ങളും സംഘാടകർ പ്രതീഷിക്കുന്നുണ്ട് . സാമ്പത്തിക സഹായാമോ ആവശ്യവസ്തിക്കളോ നൽകി സഹായിക്കാം.
+91 81293 82740 എന്ന നമ്പറിൽ മെസേജ് ഭാഗത്ത് Manna എന്ന് ടൈപ്പ് ചെയ്ത് UPI /Online വഴി സാമ്പത്തിക സഹായം എത്തിക്കാം.
‘മന്ന’ പദ്ധതിക്ക് ഭക്ഷണ വിതരണത്തോടെ തുടക്കം
