വത്തിക്കാൻ: വത്തിക്കാനിൽ, തിരുപ്പിറവിത്തിരുന്നാൾ രാത്രിക്കുർബ്ബാന വിശുദ്ധ പത്രോസിൻറെ ബസിലിക്കയിൽ ഫ്രാൻസീസ് പാപ്പായുടെ മുഖ്യകാർമ്മികത്വത്തിൽ അർപ്പിച്ചു. ഇരുപത്തിനാലാം തീയതി രാത്രി (24/12/23) റോമിലെ സമയം 7.30-ന് ഇന്ത്യയിലെ സമയം രാത്രി 12 മണിക്ക് നടന്ന ദിവ്യബലിയിൽ കർദ്ദിനാളന്മാർ, മെത്രാന്മാർ, വൈദികർ എന്നിവരുൾപ്പടെ ഇരുന്നൂറ്റിയമ്പതോളം സഹകാർമ്മികരുണ്ടായിരുന്നു. ദിവ്യബലി മദ്ധ്യേ പുഷ്പാഞ്ജലി അർപ്പിക്കാൻ തിരഞ്ഞെടുത്ത പത്തു കുട്ടികളിൽ രണ്ടുപേർ മലയാളികളാണ്, ആറു വയസ്സുള്ള നോറ കോയിക്കലും 5 വയസ്സുള്ള ഐഡൻ ഷാജു എടത്തലയും. മറ്റുള്ളവർ ഇറ്റലി (3), മെസ്കിക്കൊ (1), ഐവറിക്കോസ്റ്റ് (2), കൊറിയ (2) എന്നീ നാട്ടുകാരാണ്. ചൈനീസ്, ഫ്രഞ്ച്, അറബ്, പോർച്ചുഗീസ്, വിയറ്റ്നാമീസ് എന്നീ ഭാഷകളിൽ വിശ്വാസികളുടെ പ്രാർത്ഥന നടന്നു.
തിരുപ്പിറവിത്തിരുന്നാൾ ദിവ്യബലിയിൽ പുഷ്പാർച്ചകരായി ഫ്രാൻസീസ് പാപ്പായോടൊപ്പം രണ്ടു മലയാളി കുട്ടികളും.
