വത്തിക്കാൻ സിറ്റി: വയോധികർക്ക് വേണ്ടിയുള്ള നാലാമത് ലോക ദിനത്തിൻ്റെ പ്രമേയം പ്രസിദ്ധീകരിച്ച് വത്തിക്കാൻ. “വാർധക്യത്തിൽ എന്നെ ഉപേക്ഷിക്കരുത്” (സങ്കീ. 71:9) എന്ന തിരുവചനമാണ് ഈ വർഷത്തെ ദിനാചരണത്തിനായി പ്രത്യേകമായി ഫ്രാൻസിസ് പാപ്പ തെരഞ്ഞെടുത്തത്.
2024 ജൂലൈ 28 ഞായറാഴ്‌ചയാണ് മുത്തശ്ശി മുത്തശ്ശനമാർക്കും വയോജനങ്ങൾക്കും വേണ്ടിയുള്ള നാലാമത്തെ ലോകദിനം ആഘോഷിക്കുന്നത്. ഫ്രാൻസിസ് പാപ്പ 2021ലാണ് പ്രായമായവർക്ക് വേണ്ടി ലോകദിനം സ്ഥാപിച്ചത്. നിർഭാഗ്യവശാൽ പ്രായമായവർ പലപ്പോഴും വലിച്ചെറിയപ്പെടുന്ന സംസ്കാരത്തിന്റെ ഇരകളാകുന്നു. അവർ അനുഭവിക്കുന്ന ഏകാന്തത എങ്ങനെയാണെന്ന് പ്രമേയത്തിലൂടെ പാപ്പ ഓർമ്മപ്പെടുത്തി.
