വെട്ടുകാട്: ജപമാല മാസമായ ഒക്ടോബറിൽ എല്ലാ വർഷവും ലീജിയൻ ഓഫ് മേരി നടത്തുന്ന ജപമാല റാലി നാളെ നടക്കും. ഒക്ടോബർ 29 ഞായർ ഉച്ചകഴിഞ്ഞ് 3 മണിക്ക് തെക്കൻ ഭാഗത്തുള്ള ഇടവകകളിലെ ലീജിയൻ ഓഫ് മേരി അംഗങ്ങൾ നയിക്കുന്ന ജപമാല റാലി ശംഖുമുഖത്ത് നിന്നുമാരംഭിക്കും. മറ്റിടവകകളിലെ അംഗങ്ങൾ നയിക്കുന്ന ജപമാലറാലി ആരംഭിക്കുന്നത് സൗത്ത് തുമ്പയിൽ നിന്നുമാണ്‌. തിരുസഭയേയും അതിരൂപതയേയും ഈ ലോകം മുഴുവന്‌വേണ്ടിയും പരിശുദ്ധ മറിയത്തോട് മധ്യസ്ഥം യാചിച്ച് ജപമാല ചൊല്ലി വരുന്ന റാലികൾ വെട്ടുകാട് മാദ്രെ ദേ ദേവൂസ് ദൈവാലയത്തിൽ സംഗമിക്കും. തുടർന്ന് നടക്കുന്ന പൊന്തിഫിക്കൽ ദിവ്യബലിക്ക് തിരുവനന്തപുരം അതിരൂപത സഹായ മെത്രാൻ അഭിവന്ദ്യ ക്രിസ്തുദാസ് ആർ നേതൃത്വം നൽ കും.
ലീജിയൻ ഓഫ് മേരി തിരുവനന്തപുരം സൗത്ത് കൊമ്മീസിയത്തിന്റെ നേതൃത്വത്തിൽ നടക്കുന്ന ജപമാല റാലിയിൽ വർഷംതോറും ആയിരകണക്കിന്‌ മരിയൻ ഭക്തരാണ്‌ അണിചേരുന്നത്. ലോകം മുഴുവൻ ഭീകരതയുടെയും യുദ്ധത്തിന്റെയും നിലവിളികൾ ഉയരുന്ന പശ്ചാത്തലത്തിൽ നാളെ നടക്കുന്ന ജപമാല റാലിയിലും ദിവ്യബലിയിലും പങ്കാളികളാവാൻ എല്ലാ മരിയ ഭക്തരെയും സംഘാടകർ സ്വഗതം ചെയ്യുന്നു. പരിപാടി തിരുവനന്തപുരം അതിരൂപത യുട്യൂബ് ചാനലിൽ മീഡിയകമ്മിഷൻ തത്സമയ സം പ്രേഷണം ചെയ്യും. Live Link > https://youtu.be/w1p2iIRN8DY
