അഞ്ചുതെങ്ങ്: വിദ്യാർത്ഥികളുടെ സമഗ്രമായ വളർച്ച ലക്ഷ്യംവയ്ക്കുന്ന സ്റ്റുഡൻസ് ഫോറം പൂത്തുറ ഇടവകയിൽ രൂപീകരിച്ചു. ജനുവരി 21 ഞായറാഴ്ച ബൈബിൾ പ്രതിഷ്ഠയെ തുടർന്ന് ഇടവക വികാരി ഫാ. ബീഡ് മനോജ് ദീപം തെളിച്ച് സ്റ്റുഡൻസ് ഫോറത്തിന്റെ ഉദ്ഘാടന കർമ്മം നിർവഹിച്ചു. ആത്മീയ,സാമൂഹിക, പഠന,കലാകായിക, സാംസ്കാരിക രംഗങ്ങളിൽ മികവ് പുലർത്തുവാൻ അവരെ പ്രാപ്തരാക്കാൻ സഹായിക്കുന്ന പ്രവർത്തനങ്ങളാണ്‌ സ്റ്റുഡൻസ് ഫോറത്തിലൂടെ നടപ്പിലാക്കി വരുന്നത്.
സ്റ്റുഡൻസ് ഫോറത്തിന്റെ പൂത്തുറ ഇടവക പ്രസിഡന്റായി അൻസോണ, വൈസ് പ്രസിഡന്റായി സാവിയോ സുനിൽ, സെക്രട്ടറിയായി സാധിക , ജോയിൻ സെക്രട്ടറിയായി ലിയോണൽ, ക്യാഷ്യറായി അഥിൽ എന്നിവരെ തിരഞ്ഞെടുത്തു. ആനിമേറ്റർ ഗ്ലാഡിസ് ക്ലോസ്, കൺവീനർ ലില്ലിഫ്രാൻസിസ് മതബോധന പ്രധാനാധ്യാപിക സുനിത എന്നിവർ സന്നിഹിതരായിരുന്നു
