കൊച്ചി:ആഗോള കത്തോലിക്ക സഭയിലെ ജൂബിലി വർഷാചരണത്തോടനു ബന്ധിച്ച് കെ.ആർ.എൽ.സി. ബി.സി. ഫാമിലി കമ്മിഷൻ സംഘടിപ്പിച്ച നേതൃസംഗമം ‘ഫമീലിയ-2’കേരള വ്യവസായ വകുപ്പ് മന്ത്രി പി. രാജീവ് ഉദ്ഘാടനം ചെയ്തു. കെ.ആർ.എൽ.സി.ബി.സി ഫാമിലി കമ്മിഷൻ ചെയർമാൻ ബിഷപ് ഡോ. സെബാസ്റ്റ്യൻ തെക്കേത്തേച്ചേരിൽ അധ്യക്ഷത വഹിച്ചു. വരാപ്പുഴ അതിരൂപത സഹായ മെത്രാൻ ഡോ. ആന്റണി വാലുങ്കൽ അനുഗ്രഹ പ്രഭാഷണം നടത്തി. കെ.ആർ.എൽ.സി.സി ജനറൽ സെക്രട്ടറി റവ. ഡോ. ജിജു അറക്കത്തറ, വൈസ് പ്രസിഡൻ്റ് ജോസഫ് ജൂഡ്, കെ.ആർ.എൽ.സി.ബി.സി ഫാമിലി കമ്മിഷൻ സെക്രട്ടറി റവ. ഡോ. എ.ആർ. ജോൺ, വരാപ്പുഴ അതിരൂപത ഫാമിലി കമ്മീഷൻ ഡയറക്ടർ ഫാ. അലക്സ് കുരിശുപറമ്പിൽ എന്നിവർ പ്രസംഗിച്ചു.
എറണാകുളം ആശിർഭവനിൽ നടന്ന പരിപാടിയിൽ കേരളത്തിലെ 12 ലത്തീൻ രൂപതകളിലെ ഫാമിലി കമ്മീഷൻ ഡയറക്ടർമാരും സമിതിയംഗങ്ങളും, ആനിമേറ്റർമാരും, വോളന്റിയേഴ്സും, റിസോഴ്സ് പേഴ്സൻ അംഗങ്ങളും പങ്കെടുത്തു. സമ്മേളനത്തിന് മുന്നോടിയായി കെ.ആർ.എൽ.സി.ബി.സി ചിൽഡ്രൻസ് കമ്മീഷൻ സെക്രട്ടറി ഫാ.അരുൺ മാത്യു തൈപറമ്പിലിന്റെ നേതൃത്വത്തിലുള്ള റോഡ് ബാൻഡ് നയിച്ച പരിപാടികൾ സംഘടിപ്പിച്ചിരുന്നു.
തുടർന്ന് ആശീർഭവൻ ഡയറക്ടർ റവ. ഡോ. വിൻസന്റ് വാരിയത്ത് കുടുംബം ഒരു ആനന്ദം എന്ന വിഷയത്തിലും ആധുനിക ലോകത്ത് കുടുംബങ്ങൾ നേരിടുന്ന വെല്ലുവിളികളെയും, കുടുംബങ്ങളുടെ വളർച്ചയ്ക്കും വീണ്ടെടുപ്പിനും കുടുംബ ശുശ്രൂഷകൾ കൈവരിക്കേണ്ട നവമായ അജപാലന സമീപനങ്ങളെ ക്കുറിച്ച് കെ.ആർ.എൽ.സി.ബി.സി ഫാമിലി കമ്മിഷൻ സെക്രട്ടറി റവ. ഡോ. എ.ആർ. ജോണും ക്ലാസ് നയിച്ചു. വൈകിട്ട് നടന്ന പരിപാടിയിൽ വിവിധ ഫാമിലി മൂവ്മെന്റുകളിലുള്ളവർ തങ്ങളുടെ അനുഭവങ്ങൾ പങ്കുവെച്ചു. ബോണി ചെല്ലാനം, ഫാ. റോബർട്ട് ചാവറനാനിക്കൽ, അലക്സ് – എൽസ , ഫ്രാൻസിസ് എം. എ – ഹെർമീന ഫ്രാൻസിസ്, ജാക്സൻ തുമ്പക്കാരൻ -ശ്യാമ ജാക്സൻ എന്നിവർ പങ്കെടുത്തു. കുടുംബ ശുശ്രൂഷകളിൽ നിസ്വാർത്ഥ സേവനം ചെയ്യുന്നവരെയും എല്ലാ രൂപതകളിലെയും പ്രോ-ലൈഫ് കുടുംബങ്ങളെയും സമ്മേളനത്തിൽ ആദരിച്ചു.
