തോപ്: തോപ് ഇടവകയിൽ വിദ്യാഭ്യാസ ശുശ്രൂഷ സമിതിയുടെ നേതൃത്വത്തിൽ SSLC, പ്ലസ് വൺ, പ്ലസ് ടു പരീക്ഷയ്ക്ക് തയ്യാറെടുക്കുന്ന കുട്ടികൾക്കായി പരീക്ഷ മുന്നൊരുക്ക ക്ലാസ്സ് നടത്തി. ജനുവരി 25 ഞായറാഴ്ച നടന്ന ക്ലാസിന് അതിരൂപത വിദ്യാഭ്യാസ ശുശ്രൂഷ സമിതി റിസോഴ്സ് ടീം അംഗവും സെന്റ് ജോസഫ്സ് ഹയർ സെക്കൻഡറി സ്കൂൾ അധ്യാപകനുമായ ജോയി ജോൺ നേതൃത്വം നൽകി. ലക്ഷ്യബോധത്തോടെയുള്ള പഠനം, പരീക്ഷയ്ക്ക് തയ്യാറെടുക്കേണ്ട വിധം, പഠനത്തിന് സഹായകമാകുന്ന ഘടകങ്ങൾ, പരീക്ഷ ടിപ്പുകൾ എന്നിവ ക്ലാസിൽ വിശദീകരിച്ചു. പ്രസ്തുത ക്ലാസ്സിൽ ഇടവക വിദ്യാഭ്യാസ ശുശ്രൂഷ സമിതി അംഗങ്ങളും, ഫെറോന ആനിമേറ്ററും സന്നിഹിതരായിരുന്നു. ഇടവക വിദ്യാഭ്യാസ ശുശ്രൂഷ സമിതി എക്സിക്യൂട്ടീവ് അംഗം മൃദുല സ്വാഗതവും ഷീബ റീഗൻ നന്ദിയും പറഞ്ഞു.
തോപ് ഇടവകയിൽ വിദ്യാഭ്യാസ ശുശ്രൂഷ സമിതി പരീക്ഷ മുന്നൊരുക്ക ക്ലാസ്സ് നടത്തി
