നെല്ലിയോട് : സ്വാതന്ത്ര്യദിനാഘോഷത്തിന്റെ ഭാഗമായി കെസിവൈഎം നെല്ലിയോട് യൂണിറ്റ് ‘ഫാസ്റ്റ് ട്രാക്ക് – സുരക്ഷിത യാത്രയ്ക്ക് ശുചിത്വ വീഥീകൾ’ എന്ന പേരിൽ ദിശാബോർഡുകൾ ശുചീകരിക്കുകയും നവീകരിക്കുകയും ചെയ്തു. നെല്ലിയോട് മുതൽ കൈമനം വരെയുള്ള റോഡുകളിൽ നടത്തിയ ഈ പ്രവർത്തനം ഇടവക വികാരി ഫാ. വിജിൽ ജോർജ് ഉദ്ഘാടനം ചെയ്തു. ഏകദേശം 12 ഓളം യുവാക്കളുടെ പങ്കാളിത്തത്തിലായിരുന്നു പരിപാടി.
കഴിഞ്ഞ മൂന്ന് വർഷങ്ങളായി കൈമനം–തിരുവല്ലം ഭാഗത്തെ ദിശാബോർഡുകൾ സ്ഥിരമായിപരിപാലിക്കുന്നത് യൂണിറ്റിന്റെ സാമൂഹിക സേവന പ്രവർത്തനങ്ങളിൽ ഒന്നാണ്. ‘സുരക്ഷിത യാത്രയ്ക്ക് ശുചിത്വ വീഥീകൾ’ മുദ്രാവാക്യവുമായി നടത്തുന്ന യുവജനങ്ങളുടെ മാതൃകാപരമായ ഈ പ്രവർത്തി പ്രശംസനീയമാണ്‌. പ്രവർത്തനത്തിന്റെ അവസാനം യുവാക്കൾ “ഞാൻ എന്റെ നാടിനോടും നാട്ടുകാരോടും സേവാനിരതനായിരിക്കും; അവരുടെ ക്ഷേമത്തിലും അഭിവൃദ്ധിയിലുമാണ് എന്റെ ആനന്ദം” എന്ന പ്രതിജ്ഞ ആവർത്തിച്ചു.
