ഇ പി തുറൈ: അധ്യാപക ദിനത്തോടനുബന്ധിച്ച് തൂത്തൂർ ഫൊറോനയിൽ സെപ്തംബർ 13 ശനിയാഴ്ച ഫൊറോനയിലെ 14 സ്കൂളുകളിലെ 180 അധ്യാപകർക്ക് സെമിനാർ സംഘടിപ്പിച്ചു. ഫാ. പ്രദീപ് ജോസഫ് അദ്ധ്യക്ഷത വഹിച്ച ചടങ്ങിൽ ഫൊറോന വികാരി ഫാ. സിൽവസ്റ്റർ കുരിശ് സെമിനാർ ഉദ്ഘാടനം ചെയ്തു. ആധുനിക കാലത്തെ അധ്യാപന രീതികളും മാതൃകാപരമായ സമീപനങ്ങളും സെമിനാറിൽ വിവരിച്ചു. ഡോ. സ്വർണ്ണ മീന ക്ലാസ്സുകൾക്ക് നേതൃത്വം നൽകി. തുടർന്ന് അധ്യാപകരുടെ കലാപരിപാടികളും അരങ്ങേറി. ഫൊറോന ആനിമേറ്റർ മേരി ത്രേസ്യ മൊറൈസ് ക്രമീകരണങ്ങൾക്ക് നേതൃത്വം നൽകി.
തൂത്തൂർ ഫൊറോനയിൽ അധ്യാപകർക്കായി സെമിനാർ സംഘടിപ്പിച്ചു
