അഞ്ചുതെങ്ങ്: അഞ്ചുതെങ്ങ് ഫെറോനയുടെ ബിസിസി പ്രവർത്തനങ്ങൾ ശക്തിപ്പെടുത്തുന്നതിന്റെ ഭാഗമായി ബിസിസി ഭാരവാഹികൾക്ക് വചന വിചിന്തനത്തിനുള്ള പരിശീലനം നടത്തി. സെപ്തംബർ 14, ഞായറാഴ്ച അഞ്ചുതെങ്ങ് ഫൊറോന സെന്ററിൽ നടന്ന പരിശീലന പരിപാടിയിൽ വിവിധ ഇടവകകളിൽനിന്നും കോഡിനേറ്റർ, സിസ്റ്റർ പ്രതിനിധി, റിസോഴ്സ് ടീം അംഗങ്ങൾ എന്നിവർ പങ്കെടുത്തു. പരിശീലനത്തിന് ഫൊറോന സെക്രട്ടറി ഫാ. റോസ് ബാബു നേതൃത്വം നൽകി. ധ്യാനാത്മകമായി ബൈബിൾ വായിച്ച് ഗ്രഹിക്കാനും ദൈവേഷ്ടം അറിഞ്ഞ് ശ്രോതാക്കളുടെ ക്കളിൽ ദൈവാനുഭവം നിയറയുന്ന തരത്തിൽ വിചിന്തനം നടത്തുന്നതിന് നിരന്തരം പ്രാർത്ഥനയുടെ സഹായം തേടണമെന്ന് അദ്ദേഹം ആവശ്യപ്പെട്ടു. പരിശുദ്ധാത്മാവിന്റെ സഹായത്തിലാണ് ഇത് സാധ്യമാകുന്നതെന്നും അദ്ദേഹം പറഞ്ഞു. പ്രാർത്ഥന, സ്വാഗതം, കൃതജ്ഞത എന്നിവയ്ക്ക് അയിരൂർ ഇടവകയിലെ സിസ്റ്റർ പ്രതിനിധി സിസ്റ്റർ ജെയ്സി, കോ-ഓർഡിനേറ്റർ നിമ്മി പ്രസാദ് എന്നിവർ നേതൃത്വം നൽകി.
അഞ്ചുതെങ്ങ് ഫൊറോനയിൽ ബിസിസി ഭാരവാഹികൾക്ക് വചനവിചിന്തനത്തിനുള്ള പരിശീലനം നടത്തി
