തൂത്തൂർ: സ്വയം സഹായ സംഘങ്ങളിലെ വനിതാ നേതാക്കൾക്കായി തൂത്തൂർ ഫെറോന സാമൂഹ്യ ശുശ്രൂഷാ സമിതി ‘സാമൂഹ്യ രാഷ്ട്രീയ മുന്നേറ്റവും ജനപങ്കാളിത്തവും’ എന്നവിഷയത്തിൽ ശിൽപശാല സംഘടിപ്പിച്ചു. ജൂലൈ 25 വെള്ളിയാഴ്ച തൂത്തൂർ ഇടവകയിൽ വച്ച് സംഘടിപ്പിച്ച പരിപാടിയിൽ ഇടവക സഹവികാരി ഫാ. നെപ്പോളിയൻ അദ്ധ്യക്ഷത വഹിച്ചു. ഫെറോന ആനിമേറ്റർ കനീജ പീറ്റർ വിഷയാവതരണം നടത്തി. സാമൂഹ്യ ശുശ്രൂഷാ സമിതി രൂപതാ കപ്പാസിറ്റി ബിൽഡിംഗ് കോർഡിനേറ്റർ ലീജാസ്റ്റീഫൻ ക്ലാസിന് നേതൃത്വം നൽകി. സ്വയം സഹായ സംഘ കോർഡിനേറ്റർ രാജമണി ചർച്ചയ്യ്ക്ക് നേതൃത്വം വഹിക്കുകയും നൂതനാശയങ്ങൾ പങ്കുവയ്ക്കുകയും ചെയ്തു. വരുന്ന ഗ്രാമസഭയിൽ എന്തൊക്കെ പദ്ധതികൾ നൽകാം , വരുംതിരഞ്ഞെടുപ്പിൽ സ്ത്രീകളുടെ മുന്നേറ്റവും സാധ്യതകളും എന്ന വിഷയങ്ങളിൽ നടന്ന ഗ്രൂപ്പ്ചർച്ചയിൽ രാജമണിയും ലീജാസ്റ്റീഫനും മോഡറേറ്റേഴ്സായിരുന്നു. ശില്പശാലയിൽ 82 വനിതകൾ പങ്കെടുത്തു.
സ്വയം സഹായ സംഘങ്ങളിലെ വനിതാ നേതാക്കൾക്കായി തൂത്തൂർ ഫെറോന സാമൂഹ്യ ശുശ്രൂഷാ സമിതി ശിൽപശാല സംഘടിപ്പിച്ചു
