സെൻട്രൽ ഇൻസ്റ്റിറ്റ്യൂട്ട് ഓഫ് ഫിഷറീസ് എജുക്കേഷനിൽ നിന്ന് പോസ്റ്റ് ഹാർവെസ്റ്റ് ടെക്നോളജിയിൽ പിഎച്ച്ഡി നേടി പൊഴിയൂരിന്റെ അഭിമാനമായി ലിഡിയ വിൽവെറ്റ്. പൊഴിയൂർ സ്വദേശികളായ വിൽവെറ്റിന്റെയും ആഗ്നസിന്റെയും മകളും സ്റ്റെഫാൻ അലക്സിന്റെ സഹധർമ്മിണി കൂടിയാണ് ലിഡിയ. പൂവാർ എയ്ഞ്ചൽസ് യുപി സ്കൂളിലും നെയ്യാറ്റിൻകര സെന്റ് തെരേസാസ് കോൺവെന്റ് സ്കൂളിലുമായി പ്രാഥമിക വിദ്യാഭ്യാസം പൂർത്തിയാക്കിയ ലിഡിയ കൊച്ചിയിലെ കേരള യൂണിവേഴ്സിറ്റി ഓഫ് ഫിഷറീസ് ആൻഡ് ഓഷ്യൻ സ്റ്റഡീസിൽ(KUFOS) കലാലയ ജീവിതം വിജയകരമായി പൂർത്തീകരിച്ചു. ലണ്ടനിൽ നടന്ന ഫുഡ് സേഫ്റ്റി ആൻഡ് ഹൈജീൻ രണ്ടാമത് അന്താരാഷ്ട്ര സമ്മേളനത്തിൽ ലിഡിയ വിൽവെറ്റ് മികച്ച യുവ ഗവേഷണ ഫോറം അവാർഡ് നേടിയിരുന്നു.
