കഴക്കൂട്ടം: കഴക്കൂട്ടം മരിയൻ എൻജിനീയറിങ് കോളേജിലെ പുതിയ ബിടെക് ബാച്ചിന്റെ പ്രവേശന ഉദ്ഘാടനം തിരുവനന്തപുരം കളക്ടർ അനു കുമാരി നിർവഹിച്ചു. തിരുവനന്തപുരം മെട്രോപൊളിറ്റൻ ആർച്ച് ബിഷപ്പ് ഡോ. തോമസ് ജെ. നെറ്റോ അധ്യക്ഷത വഹിച്ച ചടങ്ങിൽ കോളേജ് മാനേജർ ഫാ. എ. ആർ ജോൺ സ്വാഗതം ആശംസിച്ചു. കോളേജ് പ്രിൻസിപ്പൽ ഡോക്ടർ എം അബ്ദുൽ നിസാർ, ഡീൻ ഡോ. എ. സാംസൺ എന്നിവർ 600 ഓളം കുട്ടികളെയും അവരുടെ രക്ഷകർത്താക്കളെയും അഭിസംബോധന ചെയ്തു. കോളേജ് ബർസാർ ഫാ. ജിം കാർവിൻ റോച്ച് നന്ദി പ്രകാശിപ്പിച്ചു. കഴിഞ്ഞവർഷം മികവ് തെളിയിച്ച വിദ്യാർത്ഥികളെ ചടങ്ങിൽ ആദരിച്ചു.
മരിയൻ എൻജിനീയറിങ് കോളേജിൽ 2025 ബിടെക് ബാച്ച് ഉദ്ഘാടനം ചെയ്തു
