തിരുവനന്തപുരത്തെ സെന്റ് ജോസഫ് കത്തീഡ്രൽ ദേവാലയത്തിന് 150 വയസ്സ് പൂർത്തിയാകുന്നു. അടുത്ത ഡിസംബർ വരെ നീളുന്ന നൂറ്റിയൻപതാം വാർഷിക ആഘോഷങ്ങൾക്ക് ഈ മാസം 20ന് ആഘോഷത്തിന്റെ ഭാഗമായുള്ള ദിവ്യബലിക്കു ശേഷം ആർച്ച് ബിഷപ്പ് തോമസ് ജെ നെറ്റോ ലോഗോ പ്രകാശനം ചെയ്ത് തുടക്കം കുറിച്ചു.
പാളയം ഇടവക വികാരി മോൺ. ടി. നിക്കോളാസ്, ശ്രീ. ഇഗ്നെഷ്യസ് തോമസ്, ശ്രീ. എം. ബേസിൽ എന്നിവരുടെ നേതൃത്വത്തിലാണ് ലോഗോ പ്രകാശനം ചെയ്തത്. 1873 മെയ്‌ 4- നാണ് പാളയം സെന്റ് ജോസഫ്സ് കത്തീഡ്രൽ ദേവാലയം സ്ഥാപിതമായത്.
