തിരുവനന്തപുരം ലത്തീൻ അതിരൂപതയിൽ നിന്നുള്ള 2 വൈദിക വിദ്യാർത്ഥികൾ യൂറോപ്യൻ രാജ്യമായ ഹോളണ്ടിൽ (നെതർലാൻഡ്‌സ്) ഇന്ന് ഡീക്കൻ പട്ടം സ്വീകരിക്കുന്നു
അതിരൂപതയിലെ പുല്ലുവിള ഫൊറോനയിൽ ഉൾപ്പെട്ട പൂവാർ വി. ബർത്തലോമിയ ഇടവക അംഗമായ ബ്ര. ഷൈജു സെലസ്റ്റിനും പുതിയതുറ വി. നിക്കോളാസ് ഇടവക അംഗമായ ഇടവകയിൽ ബ്ര. ജോൺ ആശീർവാദവും ഇന്ന് (31.10.2020) ഹോളണ്ടിലെ റോയർമോണ്ട് രൂപതയിലെ സെന്റ് ക്രിസ്റ്റഫർ കത്തീഡ്രൽ ദേവാലയത്തിൽ വച്ച് ഡീക്കൻ പട്ടം സ്വീകരിക്കും. ഹോളണ്ടിന്റെ തെക്കേയറ്റത്തെ രൂപതയാണ് റോയർമോണ്ട്.
ഇവരോടൊപ്പം മറ്റ് നാല് പേർ കൂടി റോയർമോണ്ട് രൂപതയ്ക്ക് വേണ്ടി ഈ വർഷം ഡീക്കന്മാരാകുന്നുണ്ട്. കോവിഡ് രോഗവ്യാപനം രൂക്ഷമായ സാഹചര്യത്തിൽ രാജ്യത്തെ നിലവിലുള്ള മാനദണ്ഡങ്ങൾ അനുസരിച്ച് വളരെ ചുരുക്കം അംഗങ്ങളെ പങ്കെടുപ്പിച്ചുള്ള ചടങ്ങുകൾ രൂപതയുടെ വെബ്സൈറ്റിൽ തൽസമയം ലഭ്യമാകും. ഇന്ത്യൻ സമയം വൈകുന്നേരം 3 മണിക്ക് ആയിരിക്കും ചടങ്ങുകൾ നടക്കുക.
സംപ്രേഷണം കാണുവാൻ ലിങ്ക് ക്ലിക്ക് ചെയ്യുക
https://www.bisdom-roermond.nl/Bekijk-diakenwijding-via-livestream
