പരിശുദ്ധ ആരോഗ്യമാതാവിന്റെ തിരുനാൾ പ്രമാണിച്ച് തിരുവനന്തപുരത്ത് നിന്നും വേളാങ്കണ്ണിയിലേക്ക് റയിൽവേ മന്ത്രാലയം പ്രത്യേക ട്രെയിൻ അനുവദിച്ചു.
ആഗസ്റ്റ് 28, സെപ്റ്റംബർ 4 എന്നീ ബുധനാഴ്ചകളിൽ വൈകുന്നേരം 7:45 ന് തിരുവനന്തപുരത്ത് നിന്നും പുറപ്പെടുന്ന ട്രെയിൻ (നമ്പർ : 06085) നാഗർകോവിൽ, മധുരൈ, തിരുച്ചിറപ്പള്ളി വഴി വ്യാഴാഴ്ച രാവിലെ 10:05 ന് വേളാങ്കണ്ണിയിൽ എത്തിച്ചേരുന്നു.
ആഗസ്റ്റ് 29, സെപ്റ്റംബർ 5 എന്നീ വ്യാഴാഴ്ച കളിൽ രാത്രി 11:45 ന് വേളാങ്കണ്ണിയിൽ നിന്നും പുറപ്പെടുന്ന ട്രെയിൻ (നമ്പർ : 06086) തിരുച്ചിറപ്പള്ളി, മധുരൈ നാഗർകോവിൽ വഴി വെള്ളിയാഴ്ച ഉച്ചയ്ക്ക് 1:15 ന് തിരുവനന്തപുരത്ത് എത്തിച്ചേരുന്നു.
തിരുവനന്തപുരം, നെയ്യാറ്റിൻകര രൂപതകളിലെ തീർഥാടകരുടെ അഭ്യർഥന മാനിച്ചാണ് റയിൽവേ സ്‌പെഷ്യൽ ട്രെയിൻ അനുവദിച്ചത്. ജനങ്ങളുടെ തിരക്ക് കൂടിയാൽ ട്രെയിൻ കുറച്ച് ദിവസങ്ങൾ കൂടി നീട്ടാനും സാധ്യതയുണ്ട്.
