അതിരൂപതയിലെ 7 വൈദീക വിദ്യാർത്ഥികൾ ശുശ്രൂഷ പട്ടം സ്വീകരിച്ചു. ഇന്നലെ പാളയം സെന്റ് ജോസഫ് കത്തീഡ്രൽ ദേവാലയത്തിൽ വച്ച് നടന്ന ശുശ്രൂഷ പട്ട സ്വീകരണ ചടങ്ങിൽ അതിരൂപത സഹായ മെത്രാൻ ഡോ. ക്രിസ്തുദാസ് ആർ മുഖ്യ കാർമികത്വം വഹിച്ചു. ഡീക്കൻ സിൽവദാസൻ, ഡീക്കൻ ഗോഡ്വിൻ, ഡീക്കൻ ഐഷൻ, ഡീക്കൻ സന്തോഷ് കുമാർ, ഡീക്കൻ റോബിൻ, ഡീക്കൻ ഫ്രഡി, ഡീക്കൻ സ്റ്റാലിൻ എന്നിവരാണ് സഹായ മെത്രാന്റെ കൈവപ്പ് ശുശ്രൂഷയിലൂടെ ശുശ്രൂഷ പട്ടം സ്വീകരിച്ചത്.
ഡീക്കൻ സിൽവദാസൻ പള്ളം സെന്റ് ഫ്രാൻസിസ് സേവ്യർ ഇടവക അംഗമാണ്. ഡീക്കൻ ഗോഡ്വിൻ കൊച്ചുതുറ സെന്റ് ആന്റണീസ് ഇടവകാംഗവും, ഡീക്കൻ ഐഷൻ സൗത്ത് കൊല്ലംകോട് സെന്റ് മാത്യൂസ് ഇടവക അംഗവും, ഡീക്കൻ സന്തോഷ് കുമാർ പെരിങ്ങമല സെന്റ് മൈക്കിൾസ് ഇടവക അംഗവും, ഡീക്കൻ റോബിൻ തൂത്തൂർ സെന്റ് തോമാസ് ഇടവകാംഗവും, ഡീക്കൻ ഫ്രെഡി ഔർ ലേഡി ഓഫ് ചർച്ച് മാർത്താണ്ഡംതുറ ഇടവകാംഗവും, ഡിക്കൻ സ്റ്റാലിൻ സെന്റ് ജോൺ ദി ബാപ്റ്റിസ്റ്റ് ചർച്ച് തുമ്പ ഇടവക അംഗവുമാണ്.
ഡീക്കന്മാരുടെ കുടുംബാംഗങ്ങൾക്കൊപ്പം അതിരൂപതക്കകത്തും പുറത്തും നിന്നുമായി നിരവധി വൈദീകരും സന്യസ്തരും ഇന്നലെ വൈകുന്നേരം നടന്ന ശുശ്രൂഷ പട്ട സ്വീകരണ ചടങ്ങിൽ സന്നിഹിതരായിരുന്നു.
